Diemersfontein, Daljosaphat, Paarl
Diemersfontein wat bestaan het uit 3 morg 582 vk roede grond is op 5 Junie 1781 aan Francois Marais toegeken. Die naam Diemersfontein is waarskynlik van vroeëre oorsprong. Francois se weduwee trou met Petrus Jacobus Malherbe en so kom hy in besit van die plaas. Petrus dra die grond op 26 Junie 1801 oor aan Gerrit Nieuwoudt en op 31 Mei 1804 word dit oorgedra aan Christiaan Nieuwoudt en uiteindelik aan hulle weduwee moeder Dorothea Elisabeth Hertzog op 27 September 1805. Sy dra die grond op 27 Nov 1807 oor aan Pieter Malan (1784-1831) as trougeskenk. Op 3 Des 1813 dra hy die plaas oor aan sy swaer Petrus Johannes Malherbe (1785-1850).
Bronne
Le Roux, J.G. en W.G. Ons Drakensteinse erfgrond. Drakenstein Heemkring.